All for Joomla The Word of Web Design

लघु जीवन बिमा वा लघु निर्जीवन बीमाको मात्र व्यवसाय गर्ने उद्देश्य

insurance

काठमाडौं, १८ भदौ । हालसम्म जीवन र निर्जीवन बिमा कम्पनीहरुले नै लघु बिमा व्यवसाय सञ्चालन गरिरहेका छन् । अब भने बीमा विधेयक पास भएमा छुटै लघुविमा कम्पनी खोल्न सकिने भएको छ ।

विधेयकमा बिमकले लघुबिमा सम्बन्धी कार्य गर्ने बिमा अभिकर्ता नियुक्त गर्नुअघि त्यस्तो बिमा अभिकर्तासँग लिखित सम्झौता गर्नुपर्ने उल्लेख छ । यस्तो सम्झौता गर्दा उक्त बिमा अभिकर्ता प्रचलित कानुन बमोजिम स्थापना भएको संगठित संस्था रहेछ भने तोकिए बमोजिमको अधिकार त्यस्तो अभिकर्तालाई सुम्पिन सक्ने भएको छ ।

लघुबिमा व्यवसाय गर्ने बिमकले बिमालेखमा उल्लेख भए बमोजिम बिमा गरिएको जीवन, सम्पति वा दायित्व सम्बन्धी दाबी सम्बन्धित व्यक्तिबाट पेश हुन आएमा त्यस्तो दाबीको दाबीयोग्य रकम तोकिएको अवधिभित्र भुक्तानी गर्नु पर्नेछ । लघुबिमाको नियमनकारी सेवा प्राप्त गर्न प्रत्येक बिमकले आफूले वार्षिक रुपमा आर्जन गरेको कुल बिमा शुल्कको ०.५५ नियमन शुल्क बिमा प्राधिकरणमा बुझाउनु पर्नेछ । चालु आर्थिक वर्षको बजेटमा भने आगामी २ वर्ष्भित्र सबै बिमा कम्पनीहरुले कुल बिमा कारोबारमध्ये लघु बिमाको कारोबार कम्तिमा १०५ पुर्याउनुपर्ने व्यवस्था गरिएको छ । संसदमा पेश भएको विद्येयकमा बिमा व्यवसाय हस्तान्तरण गर्नेदेखि बिमा कम्पनी गाभ्न वा गाभिन पनि बाटो खुला गर्ने भनिएको छ ।

यो ऐन अन्तर्गत बनेका कुनै पनि नियम विनियम वा निर्देशन, आदेश पालना नगरेमा वा झुट्टा विवरण पेश गरेमा पहिलो पटक ५ लाख, दोस्रो पटक ५० लाख र तेस्रो पटकपछि १ करोड रुपैयाँ जरिवाना प्राधिकरणले गराउन सक्ने लगायतका प्रावधान राखिएको छ ।

विधेयकमा बिमकले पनि आवश्यक प्रतिवेदन पेश नगरेमा प्राधिकरणले १ देखि ५ लाख रुपैयाँसम्म जरिवाना गर्न सक्ने प्रस्ताव गरिएको छ । यो ऐन वा नियम, विनियम तथा निर्दे्शिका विपरीत बीमा मध्यस्तकर्ताले झुठा विवरण तयार गरेमा प्राधिकरणले पहिलो पटक १०, दोस्रो पटक ५० र त्यसपछि बढीमा १ लाख रुपैयाँसम्म जरिवाना गर्न सक्ने प्रस्ताव गरिएको छ । नेपालमा बीमा बजारको पुँजी ७३ अर्ब रुपैयाँ हाराहारीको रहेको छ । नेपालीहरूमा बिमा सचेतना बढेसँगै १०.५ प्रतिशत बिमामा पहँुच पुगेको छ । गत आर्थिक वर्ष २०७४÷०७५ मा करिब ४ प्रतिशतले वृद्धि भई ७ प्रतिशतबाट हाल १०.५ प्रतिशत बिमामा पुगेको छ ।

0 Comments

Leave a Comment

Login

Welcome! Login in to your account

Remember me Lost your password?

Lost Password

Login

Lost your password?
X