All for Joomla The Word of Web Design

सरकारी नियमविरुद्ध अहिले ट्याक्सी चालकहरु रुष्ट (भिडियो सहित )

taxi-nepal

काठमाडौं, ९ असोज । भाद्र ६ गते महानगरीय ट्राफिक महाशाखाले सुन्धारामा विशेष कार्यक्रम गरि राजधानीमा ट्याक्सी चलाउने चालकका लागि अध्याँरोमा टल्कने र टाढैबाट प्रष्ट देखिने फ्लोरेसेन्ट ज्याकेट अनिवार्य लगानुपर्ने व्यवस्था लागू गरेको थियो ।

अनिवार्य ड्रेस लगाउनुपर्ने व्यवस्था सुरु भएको भए पनि पर्याप्त ड्रेस तत्काल सम्भव नहुने भएकाले एक महिनाको समय दिइएको थियो । एक महिनाभित्र सबै ट्याक्सी ड्राइभरले ड्रेस नलगाए कारवाही हुने बताइएको थियो । ड्रेसले व्यवसाय र व्यवसायीलाई अनुशासित बनाउनुको साथै यात्रुलाई पनि सुविधा पुग्ने विश्वास लिइएको थियो ।

यता, ट्याक्सी चालकहरु भने सरकारले लागू गरेको नियमले आफुहरुलाई असहजता प्रदान गरेको स्वीकार्छन । राजधानीमा भएका ट्याक्सीहरुमा सरकारले सुरक्षा दिन नसकेको ट्याक्सी चालकको गुनासो रहेको छ । कतिपय ट्याक्सी चालकहरुलाई डे«सको विषयमा ज्ञान समेत छैन । ड्रेसको महत्व नै उनीहरुलाई थाहा छैन ।

सरकारको यो नियम प्रति रुष्ट बनेका छन चालक । ट्याक्सी चालकहरुको लागि सुरक्षा प्रदान गर्न नसकेको र सरकारले ल्याएको यो नियम पनि चालकको सुरक्षा नभएको दाबी गर्छन चालकहरु ।

सरकारले ल्याएको यो नियमले चालकहरुलाई असर गर्न सक्ने ट्याक्सी व्यवसायी संघ ललितपुरका अध्यक्ष चुडाबहादुर विश्वकर्माको भनाई छ ।

यात्रुलार्ई गलत व्यवहार गरेको पाइएमा ट्याक्सीभित्र राखिएको नम्बरका आधारमा ट्रेस गरी त्यस्ता ड्राईभरलाई कानूनी कारबाहीको दायरामा ल्याइने उदेश्यले यो नियम बनाएको सरकारले कस्तो प्रतिफल पाउछ त्यो भने हेर्न बाँकी नै छ । पूर्वाधार, उपयुक्त पार्किङको व्यवस्था मिलाउन ट्राफिक प्रहरी र आवश्यक मिटर उपलब्ध गराउन पनि आवश्य रहेको छ । सरकारले अहिले ट्याक्सी चालकहरुका समस्या बुझेर भएका कमी कमजोरीलाई मेटाएर नियमको कार्यान्वयन गर्न सके पक्कै पनि राम्रो प्रतिफल प्राप्त हुने थियो ।

0 Comments

Leave a Comment

Login

Welcome! Login in to your account

Remember me Lost your password?

Lost Password

Login

Lost your password?
X